Estes dous conceptos mestúranse a miúdo pero o seu significado non é o mesmo. Olliño:
A alimentación consiste en inxerir alimentos (sólidos e líquidos), para proporcionarlle ao organismo os nutrintes, que rendirán materia e enerxía necesaria para realizar este as súas funcións vitais.
É polo tanto un proceso voluntario e consciente e que pode educarse (distintos xeitos de alimentarnos).
A nutrición consiste nun proceso máis complexo no que van participar varios aparatos do noso organismo: 1) dixestivo (dixestión e absorción de nutrintes), 2) respiratorio (incorporación do osíxeno necesario para as células e eliminación do dióxido de carbono), 3) circulatorio (leva os nutrintes e o osíxeno ás celulas ) e o 4) excretor (elimina refugallos non aproveitables e compostos que poden resultar tóxicos ao organismo).
A nutrución é un proceso involuntario, inconsciente e que non se pode educar xa que, hai moitos xeitos de alimentarnos pero un só de nutrirnos.
Preme na imaxe da roda dos alimentos para coñecer os distintos grupos, as achegas de nutrintes de cada grupo así como a cantidade diaria que deberiamos tomar.
Espazo titorías
Fichas interactivas da roda dos alimentos 1 e roda dos alimentos 2.
Ficha interactiva de alimentos e nutrintes.
Web de Proyecto Biosfera onde podes ir lendo e facendo actividades interactivas de alimentación e nutrición e comprobando así os teus avances).
Se queres poñer a proba os teus coñecementos pica aquí para descargar e imprimir actividades.
Con estes esquemas mudos xa serás un experto
Commentaires